vendredi 23 avril 2010

الحجب منيّك

إكبسلي روحك يعيّشك النّهار راح!!! لازمك تخلّد هالنهار التّاريخي اللّي تشهدو السّاحة الإفتراضيّة التونسيّة, قالّك ليوم التسكير بالجُملة, على بعضو : مواقع معارضة, صفاحاتْ عالفايسبوك, مواقع فيديوات, مواقع تبيع في الريح للمراكب...على بعضو يا وليدي التسكير بالجُملة ليوم هـــــــاي!!!... إدارة الحجب هي الإدارة الوحيدة في تونس اللّي تخدم على روحها, قالّك حتّى الفطور ولاّو يفطرو في البيرو باش يربحو الوقتْ...إيه يصلّيو في البيرو زادة, قالّك بكُلّهم يصلّيو هكّا علاش ما يحبّوش الشعب يتفرّج في القباحة و النساء العرايا و البلادة و الركاكة اللّي يبداو يعملو فيها مع بعضهُم و هوما موش لابسين حوايجهُم!!!الحمد لله الذي هدانا لهذا و جعل لنا إدارة الحجب اللّي لولا حرصها الشديد على الشعب التونسي لتركت الأنترناتْ تحل فينا فتاريّة!!! إكبسلي روحك عيّش خويا و إكتبلنا حويجة تُندّد و تستنكر و تُفنّد و تُحلّب و تستشبْ و تمخْوَرْ و تَستحلبْ من خلالها عدم موافقتك لسياسة الحجب و السنسرة و كل ما يتعلّق بالحرّياتْ الشخصيّة و خاصة حُريّة التعبير!! أعصرلي القريحة متاعك يعيّش خويا و إكتبلنا أرتيكل كيف أندادك باش يقراه المسؤول على مراقبة محتوى المنوّناتْ في إدارة الحجب و يعمل منّو "كوبي" بالآلة الطّابعة ذات الألوان المتواجدة فوق البيرو متاعو و يهزّو من بعد للمرحاظ باش يزيدو للستوك متاع الأوراق الجاهزة لمسح التّرم بعد قضاء الحاجة البشريّة...إكتبلي أرتيكل تنوّرلي بيه وجهي وسط المدوّنين و تُدخل بيه في البلوغوسفار مالباب الكبير


محتوى الأرتيكل بعد نهار كامل من التفكير: حسب رأيي: الحجب منيّك
...

3 commentaires:

  1. أيها الفتى روح نيك :) فما إختراع إسمو هوتسبوت و الحرقة

    RépondreSupprimer
  2. هو بالرّسمي لواش باعلنا الأنترنات ؟ زعمة في إطار ردم النّڨبة الحضاريّة هههههههه

    RépondreSupprimer
  3. Allh ya3tik issa7a fi hal article ya Zinga. te3jebni ki temzej bayna rou7 addou3aba wil mawdhou3 il hèdif...
    W nzidek zyeda : il 7ajb mouch mnayek bark, il 7ajb flippa toul!

    RépondreSupprimer